რჩევები, როგორ შევარჩიოთ მიკროტალღური ღუმელი

შესვლა რეგისტრაცია

რჩევები, როგორ შევარჩიოთ მიკროტალღური ღუმელი

Apr 26, 2024

Onoff რჩევები

რჩევები, როგორ შევარჩიოთ მიკროტალღური ღუმელი

მიკროტალღური ღუმელი პირველად 1955 წელს ამერიკულმა კომპანია Tappan-მა წარუდგინა საზოგადოებას. თავდაპირველად ახალმა პროდუქტმა მომხმარებლის დიდი ინტერესი ვერ გამოიწვია, თუმცა დღეს ის სამზარეულოს განუყოფელი ნაწილია.

ხშირ შემთხვევაში, მას პროდუქტების გასაცხელებლად, ან გასალღობად იყენებენ, მაგრამ ზოგჯერ გაზქურის ფუნქციებსაც კი ითავსებს - თანამედროვე მიკროტალღურ ღუმელში მზადდება სხვადასხვა პროდუქტები, შესაძლებელია გამოცხობა, შეწვა და ა.შ.

თუ მიკროტალღურ ღუმელს ეძებთ, შეძენამდე უნდა იცოდეთ, რომ მოდელები არა მხოლოდ ფასითა და მწარმოებელი კომპანიით, არამედ ფუნქციურადაც განსხვავდება.

მიკროტალღური ღუმელის ძირითადი ტიპები:

სტანდარტული მიკროტალღური ღუმელი, რომელიც მხოლოდ მიკროტალღების ფუნქციითაა აღჭურვილი, პროდუქტის გალღობა/გაცხელებაში გამოიყენება და მარტივი კერძების სწარაფად მომზადებაში გვეხმარება.

მიკროტალღური ღუმელების გავრცელებული, უფრო თანამედროვე მოდელები აღჭურვილია მიკროტალღებითა და გრილით, რომელიც საშუალებას იძლევა მოვამზადოთ სხვადასხვა გემრიელი კერძები. ძირითადად გრილის ორი ვარიანტი გვხვდება, რომელთა შორის განსხვავება სპირალის განლაგებაშია.

ინვერტორული მიკროტალღური ღუმელი, საშუალებას გვაძლევს პროდუქტი გავაცხელოთ - სპეციალური მექანიზმის დახმარებით, რომელიც ღუმელის შიგნითაა განთავსებული.

მიკროტალღური ღუმელი ასევე შეიძლება იყოს მიკროტალღებით, გრილითა და კონვექციით აღჭურვილი. ამ მოდელების მთავარი უპირატესობა წრიულ გამაცხელებელ ელემენტებსა და ვენტილატორშია, რომელიც ცხელ ჰაერს თანაბრად ანაწილებს ღუმელის ცენტრში. ასეთ ღუმელში შეგვიძლია შევწვათ ქათამი ან გამოვაცხოთ ნამცხვარი.

რომ შევაჯამოთ, განსხვავება მიკროტალღებს, გრილსა და კონვექციას შორის:

გრილი - პროდუქტის შესაწვავად

კონვექცია - კერძების ორთქლზე მოსამზადებლად

მიკროტალღური გამოსხივება - გაცხელებისა და გალღობისთვის

სამივე ფუნქციის თანაარსებობა, თითქმის ყველა კერძის მომზადების საშუალებას გვაძლევს.

ზემოთხსენებული ნებისმიერი ფუნქციების კომბინაციით აღჭურვილ მიკროტალღურ ღუმელში კერძის გასაცხელებლად, თუ მოსამზადებლად, უმჯობესია გამოვიყენოთ სპეციალური, ცეცხლგამძლე ჭურჭელი. პროდუქტის გაცხელება ქაღალდის პაკეტებსა და ჭიქებშიც შეგვიძლია.

აუცილებელია გვახსოვდეს რომ ღუმელში მეტალის ჭურჭელის მოთავსება დაუშვებელია.

თუ გემრიელი კერძების მოსამზადებლად და სამზარეულოში თქვენს მარჯვენა ხელს - მიკროტალღურ ღუმელს ეძებთ, აუცილებლად დაათვალიერეთ ჩვენი კატალოგი.