ესთეტიური და მყუდრო გარემოს შესაქმნელად საუკეთესო საშუალება, ინტერიერისა თუ ექსტერიერის მცენარეებით გაფორმებაა. როგორც ვიცით, მცენარეები გამოყოფენ ჟანგბადს და ასუფთავებენ ჰაერს, ზამთარში კი ეკო მეგობრული და გამწვანებული გარემო განსაკუთრებით საჭიროა. ინტერიერის მცენარეებით გაფორმებას ბევრი დადებითი თვისება აქვს, მათ შორის აღსანიშნავია ისიც, რომ გამწვანება ეხმარება ადამიანებს გახდნენ უფრო კრეატიულები და შრომისუნარიანები. გარდა ამისა ყვავილების მოვლა სტრესისგანაც ათავისუფლებს. 

შეფლერა  

ქოლგის ხის სახელით ცნობილი ეს მცანარე, ადამიანის გაშლილ ხელსაც მოგვაგონებს. შეფლერა საკმაოდ ადვილი მოსავლელია, ოთახის სხვა მცენარეების მსგავსად, არ საჭიროებს განსაკუთრებულ მზრუნველობას. აუცილებელია ვიცოდეთ, რომ ჭრელფოთლოვანი შეფლერა სინათლის მოყვარულია, განსხვავებით მწვანეფოთლოვანისგან, რომელიც ნაკლებად განათებულ ოთახშიც საზრდოობს. უნდა აღინიშნოს ისიც, რომ შეფლერას ნიადაგი ტენიანი უნდა იყოს, ამიტომ პერიოდულად საჭიროა მისი დანამვა.

ფიკუს ბენჟამინი 

ფიკუსის გვარში, ერთი განსაკუთრებით ლამაზი, დეკორატიულფოთლოვანი მცენარეა, რომელიც თუთისებრთა ოჯახს მიეკუთვნება. ფიკუს ბენჟამინი მარადმწვანე ხეა, მონაცისფრო ქერქით. ის ინდოეთში, აღმოსავლეთ აზიაში, ჩრ. ავსტრალიასა და ჩინეთში იზრდება. მცენარეს განათებული ადგილი სჭირდება, ზამთარში უმჯობესია მოვათავსოთ ხელოვნურ განათებაზე. 

დიფსისი 

ინტერიერის გამწვანებისთვის ერთ-ერთი ყველაზე პოპულარული მცენარე, სწორედ დიფსისია. დიფსისი გამორჩეულია ჰაერის გამწმენდი და ჟანგბადის გამომყოფი ფუნქციებით. მცენარეს უყვარს სინათლე და უხვი მორწყვა, განსაკუთრებით კი ზაფხულში. 

კროტონი

ბუნებაში ამ მცენარის მრავალი სახეობა გვხვდება და ისინი ერთმანეთისგან ძირითადად ფოთლებით განსხვავდებიან. თავდაპირველად კროტონის ფოთლები მწვანეა, დროთა განმავლობაში კი სხვადასხვა ფერს იღებს, მაგალითად: წითელი, ყვითელი და ფორთოხლისფერი. 

მცენარეების შეძენა სახლიდან გაუსვლელად, Onoff.ge-ზეა შესაძლებელი.  სახლის და ეზოს მცენარეების კატეგორიაში, მაღაზია ჯეოფლორას ბევრ ლამაზ შეთავაზებას აღმოაჩენთ.