მიქსერი, როგორც წესი, სამზარეულოს  განუყრელი ნაწილია. იქამდე, სანამ მიქსერის კონკრეტულ მოდელს შევარჩევთ, კარგი იქნება, წინასწარ განვსაზღვროთ ტექნიკის გამოყენების სიხშირე.აგრეთვე სასურველია, ქვემოთ მოყვანილი რჩევებიც გავითვალისწინოთ.

ძირითადად, მიქსერის ორი სახეობა  არსებობს:

• მექანიკური
• სტაციონარული

მექანიკური ანუ ხელის მიქსერი შედარებით მარტივი მოსახმარია. მისი ფორმის დახმარებით, მოწყობილობა თავისუფლად მოძრაობს და გამოყენების შემდეგ  ადვილად იწმინდება.

სტაციონარული მიქსერის  აღჭურვილობაში შედის მაგიდის საგანგებო სადგამი, აგრეთვე  მისი ბრუნვადი ჯამი და სიმძლავრე შედარებით მეტია. სასურველია, სტაციონარული მიქსერის თასი, უჟანგავი ფოლადისგან იყოს დამზადებული.

მიქსერის შერჩევისას მნიშვნელოვანია დავაკვირდეთ მის სიმძლავრეს. მექანიკური მიქსერის სიმძლავრე ძირითადად 200 - დან იწყება და 400 ვატს აღწევს. ამ მონაცემებით,  შესაძლებელია 1-დან 2 კილოგრამამდე ცომის დამუშავება. სტაციონარული მიქსერის სიმძლავრე  300-დან 450 -მდე ვატს შეადგენს და მისი საშუალებით  შესაძლებელია 3-დან 4 კილოგრამამდე მასის შერევა. 

მიქსერის შერჩევისას , მისი სიჩქარის რეჟიმიც უნდა ვნახოთ. სიჩქარის რეჟიმი, როგორც 3-დან 5-მდე, ასევე 12-დან 18-მდე გვხვდება. სიჩქარე, დამოკიდებულია პროდუქტსა და ჭურჭლის ზომაზე. 

მექანიკური მიქსერის შემადგენლობაში, ხშირად გვხვდება, ზომითა და ფორმით განსხვავებული საცმების ორი წყვილი. ზოგი მათგანი, გამოგვადგება ხილისა და ბოსტნეულის დაქუცმაცებისთვის. (აუცილებელია გავითვალისწინოთ, ინსტრუქციაში  მითითებული  ხილისა და ბოსტნეულის სპეციფიკა).

როგორც წესი, მიქსერს  სხვადასხვა აქსესუარი ახლავს თან, მაგალითად: მოსარევი ნიჩაბი, ჭიქა, ელექტრო დანა და ა.შ.

დეტალური ინფორმაცია მიქსერების შესახებ, შეგიძლიათ ჩვენს კატალოგში იხილოთ.