გემრიელი და დაბალკალორიული საკვების მომზადებისთვის, საუკეთესო საშუალება ორთქლზე მოხარშვა ან შეწვაა. ჩვენ ყოველდღიურობაში რთულია ჯანსაღი კვება, რადგან ზეთში შემწვარი, ცხიმიანი პროდუქტი კანცეროგენებს შეიცავს. სხვადასხვა კვლევებზე დაყრდნობით შეგვიძლია ვთქვათ, რომ ტაფაზე შემწვარი ხორც პროდუქტები, საგანგებო ღუმელში მომზადებულ პროდუქტზე ბევრად საზიანოა. საკვების ზედმეტი შეწვა სასურველი არ არის, რადგან ნებისმიერი პროდუქტის მაღალ ტემპერატურაზე და ხანგრძლივი მომზადების პროცესში, იკარგება ამ უკანასკნელის სასარგებლო თვისებები და პროდუქტში ხვდება დიდი რაოდენობით კანცეროგენები.

ონკოლოგებისა და მზარეულების რჩევით, პროდუქტები უნდა დამუშავდეს წყლის ორთქლზე. ამ გზით მომზადებული კერძი ინარჩუნებს გემოსა და სასარგებლო თვისებებს.

• საკვების ორთქლზე დამზადების მთავარი უპირატესობა ისაა, რომ პროდუქტი არ საჭიროებს ზეთის დამატებას.
• ორთქლზე შემწვარი კერძები ბევრად კალორიული და ადვილად მოსანელებელია, რაც განსაკუთრებით გამოსადეგია მათთვისაც, ვისაც კუჭ-ნაწლავის პრობლემები აწუხებს.
• ორთქლზე მომზადებული პროდუქტები არ საჭიროებენ სანელებლებსა და მარილს. ჭარბი რაოდენობით მარილის მიღება ჯანმრთელობისთვის საზიანოა. 
• ორთქლზე დამზადებული პროდუქტები ინარჩუნებენ ვიტამინებსა და სასარგებლო თვისებებს.

კერძების ორთქლზე მომზადების მიზნით შეგიძლიათ გამოიყენოთ: აეროგრილები, ორთქლის ღუმელები და მულტისახარში აპარატები.

• აეროგრილების საშუალებით საკმაოდ მცირე დროში, მარტივად, მოამზადებთ გემრიელ კერძს. მინის კონტეინერიდან შეგიძლიათ დააკვირდეთ შეწვის/მოხარშვის პროცესს.
• სხვადასხვა ბოსტნეულის ერთდროულად მოხარშვა/მოთუშვის მიზნით ორთქლის ღუმელი საუკეთესო ვარიანტია. თუ მოწყობილობაში წყალი არასაკმარისი აღმოჩნდა, ორთქლსახარში გამოირთვება. ორთქლსახარშების ზოგ მოდელს აქვს საგანგებო ინდიკატორი, რომლის მეშვეობით შესაძლებელია წყლის კონტროლი.
• კერძების ორთქლზე მომზადების მიზნით შეგიძლიათ მულტისახარში აპარატებიც გამოიყენოთ. მისი დახმარებით შესაძლებელია ცომის მომზადება, ხორც პროდუქტების შეწვა, ბოსტნეულის მოხარშვა, იოგურტის დამზადება და ა.შ. მულტისახარშის შეძენამდე ყურადღება უნდა მიაქციოთ მის რეჟიმებს.