ჩოპერი თანამედროვე დიასახლისებს გემრიელი კერძების მომზადების პროცესს ბევრად უადვილებს. მისი საშუალებით შესაძლებელია დროის მცირე მონაკვეთში სხვადასხვა პროდუქტის დაქუცმაცება. ჩოპერები ზედგამოჭრილია ბოსტნეულის, ხილისა და ნიგვზის დასაჭრელად. თუ წვნიანის ან სალათის გაკეთება გადაწყვიტეთ, მოათავსეთ ბოსტნეული და მწვანილი სპეციალურ კონტეინერში და რამდენიმე წამში, მიიღებთ თქვენთვის სასურველ ზომაზე დაქუცმაცებულ მასას.

სასურველია ჩოპერის შეძენამდე დააკვირდეთ კონტეინერის მოცულობასა და მასალას. ძირითადად გვხვდება მეტალის, მინისა და პლასტმასისგან დამზადებული კონტეინერები. რაც შეეხება მოცულობას, რაც უფრო დიდია ფინჯანი, მით უფრო დიდი პორციის დამუშავებაა ერთ ჯერზე შესაძლებელი. შესაძლებელია სიჩქარის ბრუნვის რეგულირების კონტროლიც. საშუალოდ ჩოპერის მოდელებს ბრუნვის სიმძლავრის ორი რეჟიმი აქვთ.

ჩოპერის შერჩევისას მნიშვნელოვანია ყურადღება გაამახვილოთ დანის პირზე, რომელიც უნდა იყოს კარგად მჭრელი და უჟანგავი ფოლადისგან დამზადებული. კომპლექტაციაში ზოგ მოდელს ყინულის საჭრელი დანაც მოჰყვება. სასურველია ჩოპერი არ გამოიყენოთ ხორც პროდუქტების დასაჭრელად.

პროდუქტის დაჭრა/დაქუცმაცების შემდეგ, ჩოპერის კონტეინერისა და დანის მოხსნა საკმაოდ მარტივია. გასარეცხად შეგიძლიათ ჭურჭლის სარეცხ მანქანაშიც კი მოათავსოთ.

ჩოპერი ზომიდან გამომდინარე სამზარეულოში დიდ ადგილს არ იკავებს, რაც ამ მოწყობილობის კიდევ ერთი დადებითი მხარეა.

ჩოპერების მრავალფეროვანი არჩევანი შეგიძლიათ ჩვენს კატალოგში იხილოთ.