ბაზარზე არც თუ ისე დიდი ხანია შემოვიდა ინდუქციური ქურის ზედაპირი, ვეცდებით მოგიყვეთ ამ ზედაპირის უპირატესობების შესახებ. 

ბაზარზე არსებობს ელექტრო და გაზის ქურები. ინდუქციური ქურა ახალი ტექნოლოგიაა,  ის 220 ვოლტზე მუშაობს და შესაბამისად ელექტრო ტექნიკას მიეკუთვნება. ინდუქციური გაზქურა მეტად ეკონომიურია   ელექტრო ქურასთან შედარებით, განსხვავება მათ შორის ის გახლავთ, რომ ინდუქცია არ თბება. მთელი მისი ენერგია საკვების მომზადებაზე იხარჯება და არა გარემოს გათბობაზე. როგორც კი ჭურჭელს ავიღებთ, ზედაპირი ავტომატურად ითიშება.  შეუძლებელია ქურის სიმხურვალისგან დამწვრობის მიღება, რაც ზრდის მისი მოხმარების უსაფრთხოების ხარისხს. 

ინდუქციურ გაზქურას ბევრი დადებითი თვისება აქვს. მიუხედავად იმისა, რომ მისი სიმძლავრე დიდია, საკმაოდ მცირე რაოდენობის ენერგიას მოითხოვს. ზოგ ინდუქციას, აქვს ფუნქცია ზუსტად იმ რაოდენობით ენერგია მოიხმაროს, რამხელა ჭურჭელსაც განვათავსებთ მასზე. ის დიასახლისის დროსაც ზოგავს და საჭმლის მომზადებას 15-20 წუთით ნაკლებ დროს ანდომებს.

ინდუქციურ ზედაპირს, სჭირდება საგანგებო ჭურჭელი, სპილენძის ტაფის და ქვაბის გამოყენება დაუშვებელია. 

ასეთი ღუმელის მართვა ძალიან მარტივია. სასურველ სიმძლავრეს -/+ ღილაკები არეგულირებს, რაც ძალიან მოსახერხებელია. ასევე, შეგიძლიათ ჩართოთ ე.წ. ტაიმერი  და ქურა, თქვენს მიერ მითითებულ დროს დაიწყებს მუშაობას. შესაძლებელია ასევე ქურის ზედაპირის გათიშვის დროის განსაზაღვრაც. 

საკვები არ ტოვებს ზედაპირზე შესამჩნევ კვალს და ლაქას, უბრალო ღრუბლით შეგიძლიათ მისი გაწმენდა. ქურის გახეხვა დაუშვებელია.

ინდუქციურ  ღუმელებს აწარმოებენ კომპანიები: Bosch, Electrolux, NEFF,  Siemens, Hotpoint-Ariston, Gorenje, AEG, Hansa, Zanussi, TEKA, Miele, Kuppersbusch, Korting, DeLuxe, Master Cook.