ჭურჭლის სარეცხი მანქანის შერჩევისას, აუცილებელია  რამდენიმე მნიშვნელოვანი დეტალი გავითვალისწინოთ,  ყურადღება მის ზომასა და მოცულობაზე გავამახვილოთ. ჭურჭლის სარეცხი მანქანები რამდენიმე კატეგორიად იყოფა: სტანდარტული ანუ სრული მოცულობის, ვიწრო და კომპაქტური.

სტანდარტული სარეცხი მანქანის ზომები დაახლოებით ასე გამოიყურება: სიღრმე - 60 სმ, სიმაღლე - 85 სმ. ტევადობას რაც შეეხება, ამ უკანასკნელში 12  - დან 14 -  მდე კომპლექტი შეგიძლიათ მოათავსოთ. სტანდარტული ზომის ჭურჭლის სარეცხი მაქანა შეიძლება გაითვალოს 3-4 სულიან ოჯახზე. თეფშების და ჭიქების გარდა , მანქანაში შეგიძლიათ ტაფა და ქვაბიც მოათავსოთ.

ვიწრო სარეცხი მანქანის სიგანე 45 სმ-ია. სიღრმე და სიმაღლე იგივე აქვს, რაც სრული მოცულობის მანქანას. აქ, შეგიძლიათ 9-10 ჭურჭლის კომპლექტი მოათავსოთ. გაითვალისწინეთ, რომ ვიწრო სარეცხი მანქანა გათვლილია 2-3 სულიან ოჯახზე. ის რეკომენდირებულია იმ შემთხვევაში, როდესაც სამზარეულოში სარეცხი მანქანის ჩასაშენებლად, საკმარისი ადგილი არ არის.  

კომპაქტური ჭურჭლის სარეცხი მანქანის სიგანე  55 სმ, სიღრმე 50 სმ, სიმაღლე 45 სმ- ია. აქ, მხოლოდ 4-6 ჭურჭლის კომპლექტის მოთავსება შეიძლება. ეს მოდელი, გათვლილია 2-3 სულიან ოჯახზე.

გასათვალისწინებელია ელექტრო ენერგიისა და წყლის ხარჯი. ახალი და თანამედროვე ჭურჭლის სარეცხი მანქანები, მათ წინამორბედებთან შედარებით, საკმაოდ ეკონომიურია და ბევრად ნაკლებ ელ. ენერგიას და წყალს მოიხმარენ. თქვენ თავად განსაზღვრავთ, შესაბამისი რეჟიმის შერჩევით, თუ რამდენად ეკონომიურად ამუშავებთ მანქანას.

საყურადღებოა, გაუფრთხილდეთ თქვენს სარეცხ მანქანას , სანამ ჭურჭელს ჩააწყობთ აუცილებელია მოაცილოთ საკვები ნარჩენები, რომ ფილტრი არ დააზიანოთ. ასევე, ონკანის წყალი მანქანისთვის  ხისტია და შესაძლოა, თქვენი ჭურჭლის მანქანა მწყობრიდან მალე გამოვიდეს. ამიტომ , აუცილებელია გამოიყენოთ, წყლის დამარბილებელი, საგანგებო მარილი.

სარეცხ საშუალებად, შეგიძლიათ  ფხვნილი ან  აბები შეიძინოთ. ასევე დაგჭირდებათ სითხე , რომელიც გავლების პროცესისთვის აუცილებელია და ჭურჭელს ბზინვარებას მატებას.

ყველა მანქანას სხვადასხვა პროგრამა აქვს, თქვენ უნდა აირჩიოთ თუ რომელია თქვენთვის მისაღები, დიდი დატვირთვით გნებავთ  იმუშავოს მანქანამ თუ უბრალოდ გავლება გსურთ.

თითქმის ყველა ჭურჭლის სარეცხ მანქანას, გაჟონვის საწინააღმდეგო სისტემა აქვს დამონტაჟებული. წყლის მიწოდება და შეწყვეტა ავტომატურად ხდება. პირველადი მნიშვნელობისაა მანქანის სწორად დაყენება.  ასევე, აღსანიშნავია, რომ უსაფრთხოების მიზნით, სარეცხი მანქანის კარი რეცხვის დაწყების შემდეგ ავტომატურად იბლოკება და მისი გახსნა შეუძლებელია. 

ეს არის ის ძირითადი კრიტერიუმები რითიც უნდა შეარჩიოთ ჭურჭლის სარეცხი მანქანა, მეტის სანახავად იხილეთ ჩვენი კატალოგი.