ზაფხულის ცხელ დღეებში, გაგრილების ერთ-ერთი საუკეთესო საშუალება კონდიციონერია. სიამოვნებასთან ერთად არ უნდა დაგვავიწყდეს, რომ კონდიციოენერების შეუფერხებელი მუშაობისთვისა და მომხმარებლის ჯანმრთელობისთვის,  აუცილებელია კონდიციონერის მოვლა და დასუფთავება.

მტვრის ნაწილაკები ადვილად ხვდება კონდიციონერის ბარაბანში, აგრეგატსა და ფილტრში. დაბინძურების შემდეგ კონდიციონერი განაგრძობს მტვრიანი ჰაერის ცირკულაციას და  აბრუნებს მას ოთახში, რისი შესუნთქვაც  ადამიანის ჯანმრთელობისთვის საზიანოა. განსაკუთრებული სიფრთხილე გვმართებს, ოფისებში, სამედიცინო დაწესებულებებში და სხვადასხვა საზოგადოებრივი თავშეყრის ადგილებში. დახურულ სივრცეში ბაქტერიების გავრცელება მარტივია და თუ ოთახში ვირუსის მატარებელი ადამიანი იმყოფება, საზიანო ბაქტერიების რაოდენობა ორმაგდება და ვირუსით ინფიცირების შანსი იმატებს. ხშირად თავის ტკივილი, ყელის სიმშრალე და ხველა, სწორედ დაბინძურებული კონდიციონერით არის გამოწვეული.

უნდა აღინიშნოს, რომ თანამედროვე კონდიციონერები აღჭურვილია ბიო ფილტრებით, რომლებიც გვიცავს გარედან შემოსული ბაქტერიებისა და ვირუსებისგან.  ახალი თაობის კონდიციონერებით შესაძლებელია ჰაერის ნაკადის მიმართულებისა და ტენიანობის რეგულირება. თუმცა, პერიოდულად ბიო ფილტრებიც საჭიროებს გაწმენდასა და დამუშავებას. 

კონდიციონერს ღრმა წმენდა სასურველია წელიწადში ორჯერ, ხოლო ფილტრებს, ორ-სამ თვეში ერთხელ ჩაუტარდეს. თავის დაცვის მიზნით,  დახურულ სივრცეში ჰაერის მოხვედრისა და მისი მოძრაობის ხელშეწყობისთვის, დღის განმავლობაში აუცილებელია გავანიავოთ ოთახები. კარგი იქნება კონდიციონერმა წელიწადში ერთხელ სპეციალისტის შემოწმებაც გაიროს.