ზამთრის მოახლოებასთან ერთად  საკითხი სახლის გათბობის შესახებ მეტად აქტუალური ხდება. ცენტრალური გათბობის დამონტაჟება თანამედროვე და უსაფრთხო საშუალებაა. არსებობს  სტერეოტიპი, რომ გათბობის ქვაბი ძვირი სიამოვნებაა. თუმცა, არ უნდა დაგვავიწყდეს, რომ გათბობის ცენტრალური სისტემის დაყენების შემდეგ, ცხელი წყალიც მუდმივად მოგვეწოდება.  

ცენტრალური სისტემის პრინციპის თანახმად, რადიატორი ყველა ოთახში მონტაჟდება და ტემპერატურის კონტროლიც შესაძლებელია.  სპეციალისტების რჩევით სამზარეულოში და საძინებელში ერთნაირი ტემპერატურა არ უნდა იყოს, ამ უკანასკნელის რეგულირება კი თერმოსტატიკული სარქველით  არის შესაძლებელი.

 გათბობის ქვაბის შეძენამდე ბევრი დეტალი უნდა გავითვალისწინოთ, მათ შორის:

• საცხოვრებელი ფართი
• გათბობის ქვაბის სიმძლავრე
• ქვაბის კონტურების რაოდენობა
• ღია და დახურული წვის კამერის ტიპი

იქამდე სანამ ცენტრალური გათბობის სისტემას დავამონტაჟებთ,  აუცილებელია გავითვალისწინოთ საცხოვრებელი სივრცის სრული ფართობი, ჭერის სიმაღლე, სართული, ფანჯრების მასალა და წყლის წერტილების რაოდენობა.

რადიატორების რაოდენობა სწორად უნდა იყოს გათვლილი და სიმძლავრე, გათბობის ქვაბის სიმძლავრეს არ უნდა აღემატებოდეს.

ერთკონტურიანი ქვაბი  იმ შემთხვევაში უნდა გამოვიყენოთ,  თუ  წყლის გამაცხელებელი უკვე გვაქვს და მხოლოდ სახლის გათბობა გვსურს.

ორკონტურიანი ქვაბით შესაძლებელია როგორც სახლის გათბობა, ისე წყლის გაცხელება.

რაც შეეხება კამერებს,  ღია წვის კამერა ამუშავებს იმ ჰაერს, სადაც ის დგას, ასეთ დროს აუცილებელია დავაყენოთ ვენტილაცია. დახურული წვის კამერით ჰაერის შედინება სპეციალური სავენტილაციო მილებით არის  უზრუნველყოფილი. უნდა ვიცოდეთ ისიც, რომ ვენტილატორს ელექტროენერგია ესაჭიროება. 

თუ გათბობის ქვაბს აივანზე ვამონტაჟებთ, მისი შეფუთვა აუცილებელია. სასურველია, რომ გათბობის ქვაბი  წელიწადში ერთხელ, სპეციალისტის მიერ ტექნიკურად შემოწმდეს. 

კარგი იქნება, თუ  გათბობის ქვაბის დამონტაჟების დროს რამდენიმე დეტალს გავითვალისწინებთ. პატარა ნიუანსები ქვაბს სამუშაო რესურსსაც შეუნარჩუნებს და თქვენც მეტად მშვიდად იქნებით.

• ქვაბის მონტაჟი აუცილებლად უნდა განხორციელდეს პროფესიონალი და გამოცდილი ხელოსნის მიერ
• სასურველია, გათბობის ქვას დენის დამცველიც ქონდეს
• სპეციალური სითხის ჩასხმით, წყლის გაყინვას საფრთხეს თავს დააღწევთ
• ქვაბი მოათავსეთ თბილ და დაცულ ადგილას. აივანზე დაყენების შემთხვევაში მოწყობილობააუცულებლად უნდა შეიფუთოს. 

​