English
Georgian
სად განვათავსოთ ტელევიზორი ?
Apr 26, 2024
Onoff რჩევები
დღეს, ტელევიზორი ინტერიერის განუყოფელი ნაწილია. იმისათვის, რომ მისი ყურებისას თავი კომფორტულად ვიგრძნოთ, აუცილებელია სწორად შევარჩიოთ ადგილი სადაც მას დავკიდებთ.
- პირველ რიგში ყურადღება უნდა მივაქციოთ ავეჯის განლაგებასა და ბუნებრივ განათებას, ეკრანმა შესაძლოა ფანჯრიდან შემოსული დღის შუქი აირეკლოს, რაც დისკომფორტს შეგვიქმნის ტელევიზორის ყურების დროს. შესაბამისად ვეცადოთ, რომ ტელევიზორი ფანჯრის მოპირდაპირე მხარეს არ დავკიდოთ.
- თუ რა სიმაღლეზე დავკიდებთ ტელევიზორს, ოთახის ფუნქიიდან გამომდინარე უნდა განვსაზღვროთ.მაგალითად, თუ სამზარეულოში გადავწყვეტთ ტელევიზორის დაკიდებას, უმჯობესია საორიენტაციოდ ფეხზე დგომის წერტილი ავირჩიოთ.
- სპეციალისტები გვირჩევენ, რომ FHD - Full High Definition ტელევიზორის შეძენისას, კარგი იქნება გავითვალისწინოთ თუ რა მანძილით იქნება დაშორებული ტელევიზორი და ის ადგილი, რომლიდანაც მის ყურებას ვაპირებთ. მანძილი 25-ზე უნდა გავამრავლოთ, მაგალითად: ტელევიზორის ეკრანი, რომელიც მოთავსებულია სავარძლიდან ორ მეტრში უმჯობესია იყოს 50 ინჩიანი. 3 მეტრიანი დაშორების შემთხვევაში ეკრანის სასურველი ზომაა 75 ინჩი და ა.შ.
- UHD - Ultra High Definition ტელევიზორის შემთხვევაში მანძილი, 39-ზე უნდა გავამრავლოთ. მაგალითად, თუ ტელევიზორი სავარძლიდან 2 მეტრით არის დაშორებული, რეკომენდირებულია ტელევიზორის დიაგონალი 78 ინჩს შეადგენდეს.
- აუცილებელია გავითვალისწინოთ, რომ ტელევიზორი თაბაშირ-მუყაოს კედელზე არ დავკიდოთ, მისი გამძლეობის მაქსიმალური ზღვარი 30-35 კილოგრამია. თუ აგურის ან ბლოკის კედელზე ვაპირებთ ტელევიზორის დაკიდებას, პირველ რიგში უნდა შევამოწმოთ კედლის უკან ელექტრო სადენები არ გადიოდეს, ამის შემდეგ შეგვიძლია მონტაჟისთვის საგანგებო სამაგრები გამოვიყენოთ.
კარგი იქნება, ტელევიზორის დადების ან დაკიდების ზუსტი ადგილი რემონტის პროცესში განვსაზღვროთ და მის სიახლოვეს რამდენიმე დენის ჩამრთველი გავაკეთოთ.
ბოლოს დამატებული
