მაცივარში სხვადასხვა პროდუქტისთვის სწორი ადგილის შერჩევა ძალიან მნიშვნელოვანია. ამით, შესაძლებელია თავიდან ავირიდოთ საკვების არომატის დაკარგვა, არასასიამოვნო სუნი და მოწყობილობაში ცირკულაციის პროცესის დარღვევა. ვებ გვერდი - greatist.com სასარგებლო რჩევებს გვთავაზობს, თუ როგორ გავანაწილოთ და რა ტემპერატურაზე შევინახოთ პროდუქტები მაცივარში.

• მაცივრის ყველაზე ნაკლებად გრილი წერტილი, კართან არსებული თაროებია, შესაბამისად მალფუჭებადი კერძების, განსაკუთრებით კი რძის პროდუქტების შენახვა არ არის რეკომენდირებული.
• მაცივარში არსებულ განყოფილებებს, განსხვავებული ტემპერატურული რეჟიმი გააჩნიათ. მაღალ თაროზე რძის პროდუქტები: რძე, კარაქი, ხაჭო, ყველი და ა.შ უნდა მოვათავსოთ, საყინულეში - გაყინული ხორცპროდუქტები, ხოლო მოძრავ უჯრებში ხილი ან ბოსტნეული.
• უმჯობესი იქნება თუ ხილსა და ბოსტნეულს ერთმანეთის გვერდით არ შევინახავთ. ასევე ცოცხალსა და გამზადებულ კერძებს. ეს უკანასკნელი კი აუცილებლად თავდახურულ ჭურჭელში უნდა იყოს.
• მაცივარში ყველა სახის კონსერვის მოთავსება მიზანშეწონილი არ არის. კონსერვებს შენახვის დიდი ვადა გააჩნიათ და სპეციალურად განსაზღვრულ ტემპერატურას არ ითხოვენ.

• არსებობს პროდუქტები, რომელთა მაცივარში შენახვა არ შეიძლება, რადგან მათ სიცივე გემოსა და ხარისხს უკარგავს. ასეთი პროდუქტების ჩამონათვალს ჩვენს წინა სტატიაში გაეცნობით.
• ძეხვი დაახლოებით 0 - +8 ̊ გრადუსზე ინახება.
• თევზის პროდუქტები უმჯობესია შენახული იქნეს 0 – 2 ̊ გრადუსზე.
• მაცივარში ლიმონს დაბალი ტემპერატურა აზიანებს. ის დაახლოებით 7 ̊გრადუსზე ინახება.
• კარგი იქნება თუ მწვანილს შენახვამდე, სუფთა ქაღალდში გავახვევთ.

მაცივრების შესახებ მეტ ინფორმაციასა და დეტალურ მახასიათებლებს, შეგიძლიათ ჩვენს კატალოგში გაეცნოთ.