რა უნდა გავითვალისწინოთ წვენსაწურის შეძენამდე ?
Apr 26, 2024
Onoff რჩევები
წვენსაწური, თანამედროვე სამზარეულოს, ერთ-ერთი მნიშვნელოვანი მოწყობილობაა. მაღაზიაში შეძენილი წვენები ხშირად კონსერვანტებსა და სხვადასხვა დანამატებს შეიცავენ. სწორედ ამიტომ, დიასახლისების დიდი ნაწილი, ნატურალური წვენების სახლში დამზადებას ანიჭებს უპირატესობას.
როგორ შევარჩიოთ სწორად წვენსაწური ჩვენი სამზარეულოსთვის ?
პირველი წვენსაწური მოწყობილობა 1930-იან წლებში შეიქმნა. დღეს წვენსაწურების ფართო არჩევანი გვაქვს.
შეგვიძლია გამოვყოთ ორი სახის წვენსაწური:
- უნივერსალური, ცენტრიდანული წვენსაწურები
- ციტრუსებისთვის განკუთვნილი წვენსაწურები.
თუ გსურთ ფორთოხლის, ლიმნისა და გრეიფრუტის წვენების მომზადება, ამ შემთხვევაში საგანგებოდ ციტრუსებისთვის განკუთვნილი წვენსაწური უნდა შეიძინოთ.
თუ ხილისა და ბოსტნეულის გემრიელი წვენების მომზადებას აპირებთ, ამისთვის უნივერსალური წვენსაწური გამოგადგებათ. (გირჩევთ,მოწყობილობის გამოყენების ინსტრუქციას დეტალურად გაეცნოთ, რადგან ზოგიერთ შემთხვევაში გარკვეული სახის ხილისა და ბოსტნეულის მოთავსება მიზანშეწონილი არ არის).
წვენსაწურის შეძენისას ყურადღება უნდა გავამახვილოთ:
- რამდენად სქელი და მყარია დანა
- დავაკვირდეთ მოწყობილობის კორპუსს, თხელი პლასტმასი ხშირი რეცხვისა და დაშლისას შესაძლოა დაზიანდეს
- თუ გსურთ წვენსაწურმა სამზარეულოში დიდი ადგილი არ დაიკავოს, ყურადღება მიაქციეთ მოწყობილობისა და მისი დამატებითი ნაწილების მოცულობას
- აგრეთვე დააკვირდით წვენსაწურის სიჩქარის მარეგულირებელს.
და ბოლოს გავითვალისწინოთ, რომ წვენსაწურის გამოყენების შემდეგ, მოწყობილობის და მისი მოსახსნელი დეტალების გასუფთავება/გარეცხვა აუცილებელია.
მახასიათებლებისა და ბრენდების შესახებ ინფორმაცია იხილეთ წვენსაწურების კატალოგში
ბოლოს დამატებული
