სხვადასხვა მიზნით ნოუთბუქის ტარება ხშრად გვიწევს. იმისათვის, რომ ტარების პროცესი კომფორტული გავხადოთ და ნოუთბუქიც დავიცვათ დაზიანებისგან, საჭიროა  ჩანთა სწორად შევარჩიოთ. დიზაინთან ერთად ყურადღება მის მოცულობას, ღვედის ზომას, მასალას და სხვა დეტალებს უნდა მივაქციოთ. 

ფორმა                

პირველ რიგში უნდა გავითვალისწინოთ, სად და რა სიხშირით მოგვიწევს ნოუთბუქის ტარება. ყოველდღიურ რეჟიმში გამოსაყენებლად, აჯობებს სხვადასხვა ტიპის სათავსოს მქონე ზურგჩანთა შევიძინოთ. თუ პერსონალური კომპიუტერის ტარება ნაკლები სიხშირით გვიწევს, შეგვიძლია  გადასაკიდი ღვედის მქონე ჩანთა ავარჩიოთ, თუმცა აუცილებელია ღვედს რბილი დამცავი ადგილი ჰქონდეს. 

ზომა

ნოუთბუქის ჩანთა, კომპიუტერის ზომიდან გამომდინარე უნდა შევარჩიოთ, ზედმეტად დიდი ან პირიქით მომცრო მოცულობის ჩანთა არაკომფორტული მოსახმარია. აუცილებლად უნდა გავითვალისწინოთ, თუ რამდენ დიუმიანია ჩვენი ნოუთბუქის ეკრანი და ჩანთაც ამის მიხედვით შევარჩიოთ.

მასალა

იმისათვის რომ ნოუთბუქი მაქსიმალურად დაცული იყოს, არ დასველდეს, ან არ გატყდეს უნდა დავაკვირდეთ თუ რა მასალისგანაა დამზადებული ჩანთა. მასალა შესაძლოა იყოს, ნატურალური ან ხელოვნური ტყავის, ნეილონის, პოლიესტერის, პოლიურეთანის და ა.შ. კარგი იქნება, თუ ჩანთის ზედაპირი მყარი მასალით იქნება დაფარული.

მოცულობა

თუ ნოუთბუქთან ერთად მაუსის, დისკების, მეხსიერების ბარათისა და სხვა აქსესუარების ტარება გვჭირდება, ჩანთა აღჭურვილი უნდა იყოს რამდენიმე ტიპის ჯიბით და შესაბამისი მოცულობა უნდა ჰქონდეს. უმჯობესია თუ სათავსები ერთმანეთისგან იზოლირებული იქნება.

რაც შეეხება ვიზუალურ მხარეს, ნოუთბუქის ჩანთები განსხვავებული დიზაინით არის წარმოდგენილი. შეგიძლიათ, როგორც სადა მინიმალისტური მოდელი, ასევე ორნამენტებით გაფორმებული აირჩიოთ. თუ ახალ ჩანთას ეძებთ, თქვენი ნოუთბუქისთვის ჩვენი კატალოგი დაათვალიერეთ.