რჩევები, სმარტფონის სწორად დამუხტვისთვის

შესვლა რეგისტრაცია

რჩევები, სმარტფონის სწორად დამუხტვისთვის

Apr 26, 2024

Onoff რჩევები

რჩევები, სმარტფონის სწორად დამუხტვისთვის

სმარტფონი ჩვენი ყოველდღიურობის განუყოფელი ნაწილია და მის გარეშე ხშირად დისკომფორტსაც კი განვიცდით. მრავალფუნქციური, თანამედროვე მობილურების ერთ-ერთი სუსტი მხარეა ბატარეა. ხშირია შემთხვევა როდესაც ბატარეა ერთ დღესაც ვერ ძლებს და საჭიროა მისი ხშირად დამუხტვა. სწორედ ამ მიზეზით გვიწევს დამტენი მუდამ თან ვიქონიოთ.

არსებობს სხვადასხვა მოსაზრება იმის შესახებ, თუ რამდენად მიზანშეწონილია, ღამით სმარტფონების დენის ჩამრთველში შეერთებული დატოვება. საქმე იმაშია, რომ წინა თაობის მობილური მოწყობილობების შემთხვევაში, ბატარეის ზედემატად დამუხტვის დროს, არსებობდა მისი აფეთქების საშიშროება. თანამედროვე სმარტფონებში უსაფრთხოების ნორმები გაძლიერებულია და საგანგებოდ შექმნილი მიკრო-ჩიპები იცავენ მათ, მსგავსი საშიშროებისგან. როდესაც ჩვენი სმარტფონის ბატარეა დამუხტვის მაქსიმუმს ანუ 100 % - ს მიაღწევს, დამტენი მოწყობილობა აქტიურ ენერგიას მას აღარ აწდვის. შესაბამისად, ღამის განმავლობაში სმარტფონის დასამუხტად დატოვება ბატარეას ზიანს არ მიაყენებს.

მცდარია ის მოსაზრებაც, რომ მხოლოდ ბატარეის ბოლომდე დაცლის შემდეგ უნდა შევაერთოთ ის დასამუხტად. სმარტფონის დატენვა ნებისმიერ პროცენტულ მაჩვენებელზე შეგვიძლია და ამით ბატარეას არ დავაზიანებთ.

დამუხტვის დროს უმჯობესია აქტიურად არ გამოვიყენოთ ისეთი პროგრამა, რომელიც დიდ ენერგიას მოითხოვს და ასევე სასურველია სმარტფონი „ქეისის“ გარეშე გვქონდეს დასამუხტად შეერთებული.

უნდა ვიცოდეთ, რომ სხვადასხვა სმარტფონის ბატარეას, განსხვავებული ექსპლუატაციის პერიოდი აქვს და ვადის გასვლის შემდეგ ის თავდაპირველ სიძლიერეს კარგავს და შედარებით მალე იცლება.