პანდემიის გამო, მსოფლიოს ბევრ ქვეყანაში და მათ შორის საქართველოში, სალონები დროებით დაკეტილია. ამის გამო ბევრ ქალს თმის მოვლა სახლის პირობებში უწევს. სწორად შერჩეული ფენის დახმარებით, თმის დავარცხნა, დახვევა და ფორმის მიცემა სრულიად შესაძლებელია. ფენის შერჩევამდე რამდენიმე დეტალი უნდა გავითვალისწინოთ :

• მოცულობა
• სიმძლავრე
• ტემპერატურა
• კომპლექტაციაში არსებული საცმები

მოცულობა

იმ შემთხვევაში თუ ხშირად ვმოგზაურობთ ან გადაადგილებისას ფენის თან ტარება გვიწევს, უმჯობესია სპეციალურად სამგაზვრო, მცირე ზომის ფენი შევარჩიოთ. სამგზავრო ფენები მეტი კომფორტისთვის იკეცება კიდეც. ძირითადად სამგზავრო ფენს შედარებით ნაკლები სიმძლავრე აქვს. თუ ყოველღიურად სხვადასხვა ვარცხნილობის გაკეთება გვსურს უმჯობესია, პროფესიონალური თმის საშრობი შევარჩიოთ, რომელიც ზომაშიც დიდია.

სიმძლავრე

თმის გასაშრობად 1200-დან 1600 ვატამდე სიმძლავრის ფენი სრულიად საკმარისია. სხვადასხვა ვარცხნილობის დასაყენებლად, უმჯობესია ფენის სიმძლავრე 1 800 ვატს (და ზემოთ) შეადგენდეს. სალონებში ძირითადად 2100 ვატის მქონე თმის საშრობებს იყენებენ, რადგან ისინი სწრაფად აშრობენ თმას.

აღსანიშნავია რომ თუკი თხელი და მოკლე თმა გვაქვს, უმჯობესია დაბალი სიმძლავრის ფენი შევარჩიოთ, რადგან ხშირად თმა სწორედ ფენის გამო ზიანდება.

ტემპერატურა

ტემპერატურის რეგულირება, ფენის ერთ-ერთი ყველაზე მნიშვნელოვანი ფუნქციაა. სხვადასხვა ტემპერატურული რეჟიმი, ვარცხნილობის გაკეთებაში განსაკუთრებით გამოსადეგია. ცივ ჰაერს რიგ შემთხვევებში ვარცხნილობის ფორმის შენარჩუნებისთვის იყენებენ. 

კომპლექტაციაში არსებული საცმები

კონცენტრატორის საცმის დახმარებით შესაძლებელია როგორც თმის გაშრობა ისე სასურველი ფორმის მისაცემად დავარცხნა. გარდა ამისა ფენს შესაძლოა მოყვებოდეს ისეთი საცმები, რომლებსაც თმის დასახვევად ან დასასწორებლად იყენებენ. 

თმის საშრობი 1920-იან წლებში