ხილ-ბოსტნეულის საშრობი  იგივე ჩირის აპარატი, ბოლო პერიოდში განსაკუთრებული პოპულარობით სარგებლობს. დიასახლისების დიდი ნაწილი  ამ ტექნიკას აქტიურად იყენებს. თუ ამინდის ან  ბინაში სივრცის დეფიციტის პრობლემა გვაქვს, ეს აპარატი დაგვეხმარება, მოკლე დროში, სახლის პირობებში  გემრიელი ჩირი დავამზადოთ.

რისთვის შეიძლება გამოვიყენოთ ჩირის აპარატი ?

• ტყლაპის დასამზადებლად
• ხილ-ბოსტნეულის გამოსაშრობად
• სამკურნალო მცენარეებისა და ჩაის ფოთლების გასაშრობად
• პურ-ფუნთუშეულის გასახუხად.

როგორ მუშაობს ?

აპარატში, ერთმანეთის თავზე,  დახვრეტილი ძირის მქონე თაროებია განლაგებული. კორპუსის ქვედა ნაწილიდან თაროებს შორის  თბილი ჰაერის ნაკადი ხვდება, რომელიც ხილის გამოშრობას უწყობს ხელს. 

როგორ გავაშროთ ხილი სწორად ?

ხილის მოკლე დროში გასაშრობად,  უმჯობესია აპარატში თხლად დაჭრილი ნაწილები მოვათავსოთ.  უნდა გავითვალისწინოთ, რომ სხვადასხვა ხილს  თუ ბოსტნეულს  განსხვავებული დრო და ტემპერატურა სჭირდება. სასურველია,  საშრობის ექსპლუატაციამდე,  მისი გამოყენების  ინსტრუქციას გავეცნოთ.

• თუ შრობის პროცესი დროში გაიწელა, კარგი იქნება თაროები შევუნაცვლოთ
• ელექტროენერგიის დაზოგვის მიზნით, მზიან ამინდში, ჩირი შეგვიძლია გარეთ მოვათავსოთ, საღამოს კი აპარატში გადავიტანოთ.

გამზადებული ჩირი მინის ჭურჭელში ან ქაღალდის პარკში  უნდა შევინახოთ. ზამთრის პერიოდში კი რეკომენდირებულია  ჰერმეტული ჭურჭელი გამოვიყენოთ.

ხილის საშრობი აპარატები შეგიძლიათ, სახლიდან გაუსვლელად, ჩვენს კატალოგში დაათვალიეროთ.