კომპანია Vivo-მ 2020 წლის ახალი სმარტფონები ოფიციალურად წარადგინა. Vivo X50, X50 Pro და X50 Pro+ მოდელებს 5 G მხარდაჭერა ექნებათ. X50 სერიის ფლაგმანები გამორჩეულია კორპუსის დახვეწილი დიზაინითა და ფერებით. ინფორმაციას სმარტფონების შესახებ ვებ გვერდი - The Verge ავრცელებს.
Vivo X50 აღჭურვილია 6.56 ინჩიანი AMOLED ეკრანით, Snapdragon 765G პროცესორით, 4 უკანა კამერითა და 4 200 mAh ელემენტის მოცულობით.
Vivo X50 Pro-ს შემადგენლობაში გაუმჯობესებული, 4 315 mAh ელემენტი შედის. უკანა, ოთხი კამერა ასე გამოიყურება: 48 MP ფართო, 8 MP ტელეფოტო, 13 MP პორტრეტის და 8 MP ულტრა ფართო ხედვა.
რაც შეეხება Vivo X50 Pro+ მოდელს, მისი მონაცემები შემდეგია: Snapdragon 865 პროცესორი, 8/12 GB ოპერატიული მეხსიერება და 128/256 GB შიდა მეხსიერება. ფლაგმანში გაუმჯობესებულია ძირითადი კამერაც.
ჯერჯერობით ახალი სმარტფონების გამოსვლის ზუსტი თარიღი და ფასი უცნობია.