Smart Watch იგივე ჭკვიანი საათი ბოლო პერიოდში განსაკუთრებული პოპულარობით სარგებლობს. ეს არის მოწყობილობა, რომელსაც დროის ჩვენების გარდა, სხვა მრავალი ფუნქციაც გააჩნია. ძირითადად, ყველა ჭკვიანი საათი ბლუთუზითაა (ინგ. Bluetooth) აღჭურვილი, რომლის საშუალებითაც ნებისმიერ სმარტფონს უკავშირდება.
ბაზარზე პირველად ჭკვიანი საათი 2010 წელს გამოჩნდა და მას Sony Ericsson LiveView ექრვა. კომპანია Sony, ერთ-ერთი პირველი იყო, რომელმაც ინოვაცია დაამკვიდრა. მოგვიანებით ჭკვიანი საათები შექმნეს ისეთმა დიდმა კორპორაციებმა, როგორებიცაა: Apple, Samsung, Huawei და სხვა.
ჭკვიანი საათები შეგვიძლია ორ კატეგორიად დავყოთ. პირველ კატეგორიაში ერთიანდება საათები, რომლებსაც ჩვეულებრივი ისრები და ციფერბლატები აქვთ. ამ ჯგუფში შემავალ საათებს როგორც წესი ფიტნეს ტრეკერის (ინგ. Fitness tracker) ფუნქცია აქვთ თუმცა, გაძლიერებული მოდელები, მომხმარებლის სმარტფონზე შემოსული, ზარებისა და შეტყობინებების გადაცემის ფუნქციითაც არიან აღჭურვილნი.
ჭკვიანი საათების მეორე კატეგორია ციფრული ეკრანით გამოდის და მათ, ბევრი სხვადასხვა ფუნქცია აქვთ დამატებული. მაგალითად, ამ ჯგუფის ჭკვიანი საათები, გვაწვდიან ინფორმაციას ამინდის შესახებ, გვიჩვენებენ სმარტფონზე შემოსულ შეტყობინებებს, გვიწევენ ხმოვან დახმარებას და ა.შ.
ჭკვიანი საათების უმეტესობა შემდეგ ოპერაციულ სისტემებზე მუშაობს : Tizen, Android Wear და watchOS. Apple – ის ჭკვიანი საათები watchOS სისტემას იყენებენ. რაც შეეხება Android Wear-ს, ის Google-ის მიერაა შექმნილი და მასზე მუშაობენ: Sony, Huawei, Motorola, Asus და LG -ის მიერ წარმოებული ჭკვიანი საათები. რაც შეეხება Samsung-ს ის იყენებს ოპერაციულ სისტემას Tizen.
ჭკვიანი საათების შესახებ დეტალური მახასიათებლები იხილეთ ჩვენს კატალოგში.