16 სექტემბერს, კომპანია Sony-მ PlayStation 5-ის ფასი და გამოსვლის თარიღი გაასაჯაროვა. ახალი კონსოლი ხელმისაწვდომი გლობალურად 19 ნოემბრიდან გახდება და მისი ფასი - $499.99 აშშ დოლარი იქნება. რაც შეეხება PlayStation 5-ის ციფრულ ვერსიას, მისი ფასი $399.99 აშშ დოლარს შეადგენს.
PlayStation 5-ის მახასიათებლების შესახებ ინფორმაცია რამდენიმე თვის წინ გახდა ცნობილი. შეგახსენებთ რომ კონსოლის შიდა მეხსიერება 825 GB-ს შეადგენს, მაქსიმალური გარჩევადობა კი - 4K UHD (2160p). SSD-ის საშუალებით PS5, წინა მოდელთან შედარებით ბევრად უფრო სწრაფია.
PlayStation 5-ზე, 2021 წელს God Of War ბრუნდება. RAGNAROK-ის თიზერი ცოტა ხნის წინ Youtube-ზე გამოჩნდა.