ცოტა ხნის წინ ინტერნეტში OnePlus-ის ახალი, ბიუჯეტური სმარტფონის შესახებ გავრცელდა ინფორმაცია. დადასტურდა რომ კომპანიის ახალი მოდელის სახელი - OnePlus Nord იქნება. OnePlus-ის Youtube არხზე, სმარტფონის თიზერიც გამოქვეყნდა. აღნიშნულ ინფორმაციას ვებ გვერდი - Mashable.com გამოეხმაურა.
როგორც ვიდეოში ჩანს, სმარტფონს ორი სელფის კამერა და ჭრილის მიხედვით სამი ან ოთხი უკანა კამერა ექნება. გავრცელებული ინფორმაციით OnePlus Nord აღჭურვილი იქნება Qualcomm's Snapdragon 765G პროცესორითა და 6.55-ინჩიანი Super AMOLED ტიპის ეკრანით.
სმარტფონის მონაცემების შესახებ დეტალური ინფორმაცია ჯერკიდევ არ არის ცნობილი. სავარაუდოდ Nord მოდელის ფასი 500 აშშ დოლარს არ აღემატება. OnePlus Nord-ის პრეზენტაციას კომპანია 21 ივლისს ონლაინ რეჟიმში გეგმავს.
კომპანიამ მიმდინარე წელს OnePlus 8 და OnePlus 8 Pro სმარტფონები წარადგინა.