შვიდთვიანი მუშაობის შემდეგ, Google Stadia-ს კონტროლერები, Android-ის მოწყობილობებეს უსადენოდ დაუკავშირდება. კომპანია Google-მა Stadia-ს სერვისი ტელევიზორებისთვის, Android-ის მოწყობილობებისთვის და ვებ გვერდისთვის ნოემბერში წარადგინა. აქამდე Android-ის მომხმარებლებს, Stadia-სთან დასაკავშირებლად USB-ის გამოყენება უწევდათ. აღნიშნულ ინფორმაციას ვებ გვერდი - The Verge ავრცელებს.
ცოტა ხნის წინ Google-მა Android-ის მომხმარებლებისთვის, Stadia-ს აპლიკაციას განახლება გაუკეთა და სწორედ მისი საშუალებით უკვე შესაძლებელია კონტროლერთან უსადენო კავშირი.
აღნიშნულ სიახლესთან ერთად კომპანია Google-მა Stadia-ს ახალი ფუნქციებიც დაუმატა. მათ შორის, 2020 წლის ბოლომდე იგეგმება 120 ახალი თამაშის გაშვება.
2019 წლის ნოემბერში გაშვებული გეიმინგ სერვისი, დღითიდღე უფრო პოპულარული ხდება.