კომპანია Microsoft-ი, Xbox Series X კონსოლის ვიდეო თამაშების პრეზენტაციას 23 ივლისს გეგმავს. მათ შორის იქნება, Xbox Game Studios მიერ შექმნილი გახმაურებული თამაში - Halo Infinite. კომპანია Microsoft-მა დამატებით ახალ გეიმ სტუდიოებთან დაიწყო თანამშრომლობა, რაც ნიშნავს რომ 23 ივლისს გამართულ პრეზენტაციაზე ბევრი თამაშის შესახებ შევიტყობთ.
იმის გათვალისწინებით რომ Microsoft-მა გასულ წელს Hellblade II-ის თრეილერი გამოაქვეყნა, უნდა ვივარაუდოთ რომ დაგეგმილ ღონისძიებაზე, დეველოპერული კომპანია Ninja Theory-ისგან კიდევ ბევრ სიახლეს ვიხილავთ.
სავარაუდოდ პრეზენტაციაზე ბრიტანული დეველოპერული სტუდია - Rare-ის ახალი ვიდეო თამაშზეც იქნება საუბარი. თამაშ - Everwild-ის თრეილერი Microsoft-მა შვიდი თვის წინ გამოაქვეყნა და მან უკვე Xbox-ის ბევრი მომხმარებლის მოწონება დაიმსახურა.
Microsoft-ი ერთგულ მომხმარებელს ჰპირდება რომ, მომავალ პრეზენტაციაზე ჯერ კიდევ უცნობ თამაშებს დაანონსებს.