ცოტა ხნის წინ, სოციალურ ქსელ - Facebook-ის მომხმარებელთა მცირე ნაწილთან, Facebook-ის მთავარ აპლიკაციაში, Instagram-ის Story-ის კატეგორია გამოჩნდა. ამის მიხედვით შეგვიძლია ვივარაუდოთ, რომ Facebook-ი, მის მფლობელობაში მყოფი კიდევ ერთი სოციალური ქსელის - Instagram-ის Story-ების დაკავშირების ე.წ cross - posting-ის ფუნქციას ტესტავს. აღნიშნულის შესახებ ინფორმაციას ონლაინ გამოცემა - The Verge ავრცელებს.
Facebook-ის და Instagram-ის Story-ის გარჩევა, პროფილის ფოტოს ირგვლივ გარშემორტყმული წრის ფერის მიხედვით იქნება შესაძლებელი. როგორც ვიცით Facebook-ის Story-ის ლურჯი წრე აქვს, Instagram-ის აპლიკაციის შემთხვევაში კი წრე ვარდისფერი და ნარინჯისფერი ტონალობაში არის გადაწყვეტილი.
Facebook-ის განცხადებით Instagram Story-ის ნახვა Facebook-ზე მხოლოდ იმ მომხმარებლებს შეეძლებათ, რომლებიც Instagram-ზეც მისდევენ ერთმანეთს და Facebook-ის ანგარიში დაკავშირებული აქვთ Instagram - თან. ის ადამიანები, რომლებიც მხოლოდ Facebook- ის ანგარიშზე გვყავს, Instagram-ის Story- ის ჩვენს პროფილზე ვერ დაინახავენ.
ეს სიახლე ჯერჯერობით მხოლოდ მომხმარებლების შეზღუდულ ნაწილთან არის ხელმისაწვდომი და Facebook- ი ამ საკითხის გარშემო მომხმარებლის Feedback-ს შეისწავლის. მათი განცხადებით, ისინი კონფიდენციალურობის ყველა არსებულ პარამეტრს პატივს სცემენ და Instagram-ის მომხმარებელს ნებისმიერ დროს შეეძლება Facebook-ზე Story-ის გაზიარება გამორთოს.
ამ ნაბიჯით შეგვიძლია ვივარაუდოთ, რომ Facebook-ი მის საკუთრებაში მყოფი აღნიშნული ორი პლატფორმის დაახლოებას ცდილობს.