კომპანია Apple-ის წლის ყველაზე მნიშვნელოვანი ღონისძიების დაწყებამდე, სულ ცოტა დრო რჩება! სწორედ ამიტომ გადავწყვიტეთ დეტალურად აგიხსნათ, თუ რა სიახლეებს უნდა მოველოდეთ 10 სექტემბერს დაგეგმილი ღონისძიებიდან.
iPhone
კომპანია Apple-ი, 10 სექტემბერს, განახლებულ სმარტფონებს: iPhone XI-ს, iPhone XI Pro-ს და iPhone XI Pro Max-ს წარადგენს. წინასწარი ინფორმაციით, მათი დიზაინი წინა მოდელებისგან ძალზედ განსხვავებული იქნება. კერძოდ, ამიერიდან მათ არა ორი, არამედ სამი მთავარი კამერა ექნებათ. სიახლე აგრეთვე iPhone-ის ტრადიციულ ფერთა გამასაც შეეხო, ის უფრო მრავალფეროვანი გახდა.
Apple Watch 5
ღონისძიებაზე, ახალი სმარტ საათის - Apple Watch 5-ის წარდგენაც იგეგმება. წინამორბედისგან განსხვავებით, განახლებულ სმარტ საათს გაუმჯობესებული კარდიო სენსორები ექნება. ამიერიდან სმარტ საათი ტიტანიუმის ან კერამიკის ბუდეში იქნება მოთავსებული, რაც მისი მდგრადობის და დაცულობის ხარისხს გააუმჯობესებს.
MacBook Pro
2 წლის წინ, კომპანია Apple-მა, ახალი MacBook Pro გამოუშვა. აღნიშნულ ღონისძიებაზე კი, განახლებული მოდელის წარდგენა იგეგმება. ახალი ლეპტოპის ტექნიკური მახასიათებლების შესახებ ინფორმაცია ჯერჯერობით არ გასაჯაროებულა.
შეგახსენებთ, რომ ღონისძიება, სამშაბათს, თბილისის დროით საღამოს 21:00-ზე გაიმართება.