Whole Foods-ის შემდეგ კომპანია Amazon, ახალი სუპერმაკერეტების ქსელის შექმნას გეგმავს. პირველი მაღაზია ლოს ანჯელესში გაიხსნება. აღნიშნულის შესახებ ინფორმაციას ვებ გვერდი The Verge ავრცელებს.
Amazon-ის წარმომადგენლები სხვადასხვა ინტერვიუში აღნიშნავენ რომ სუპერმარკეტისთვის, განსხვავებული კონცეფცია შეიმუშავეს და თანხის გადახდა სალაროში იქნება შესაძლებელი. კომპანიის ახალი ბრენდი დაბალი ფასებით იქნება გამორჩეული.
რაც შეეხება Whole Foods - ს, ის Amazon-მა ორი წლის წინ შეიძინა და კომპანია მომხმარებელს 500-მდე მაღაზიასა და ჯანსაღ პროდუქტს სთავაზობს. ჯერჯერობით უცნობია ახალი სუპერმარკეტების ქსელის დასახელება და ლოგო, თუმცა მისი გახსნა 2020 წელს იგეგმება. ლოს ანჯელესის შემდეგ კომპანია ქსელის გაფართოებას ფილადელფიასა და ჩიკაგოში აპირებს.