პერსონალური კომპიუტერის შეძენისას, განსაკუთრებული სიფრთხილით პროცესორი უნდა შევარჩიოთ. ამ დროისთვის, აღნიშნულ მოწყობილობას ორი ბრენდი: Intel და AMD აწარმოებს. Intel-ის მიერ წარმოებული პროცესორები ძირითადად ორ ჯგუფად იყოფა, ესენია: Celeron და Pentium, თუმცა არსებობს Intel-ის მიერ შექმნილი პრემიუმ კლასის მოდელებიც, მაგალითად : i3, i5 i7 და ა.შ.
რა უნდა გავითვალისწინოთ პროცესორის ყიდვისას?
პროცესორის შერჩევისას, პირველ რიგში, ყურადღება უნდა მივაქციოთ ე.წ. სოკეტს, რომელიც Motherboard-ის და პროცესორის დამაკავშირებელი მოწყობილობაა. აუცილებელია, რომ პროცესორს და Motherboard-ს ერთნაირი სოკეტი ჰქონდეთ. პროცესორი, ძირითადად, სიხშირითა და მეხსიერების მოცულობით ფასდება. სიხშირე მეგაჰერცებში (MHz) იზომება. მათი დიაპაზონი 0.6-დან 4.-ამდე მერყეობს, იშვიათ შემთხვევებში მაჩვენებელი 4.7-საც კი სცდება.
Celeron-ის ტიპის პროცესორი, როგორც წესი, ლეპტოპისთვის არის განკუთვნილი. თუმცა, ეს უკანასკნელი, პერსონალური კომპიუტერისთვისაც შეგვიძლია გამოვიყენოთ. Celeron-ი შედარებით დაბალი ფასით გამოირჩევა და ნაკლები წარმადობა გააჩნია. Pentium-ი, Celeron - თან შედარებით, ძვირად ფასობს, მას მაღალი მაჩვენებლის მქონე სიხშირე და დიდი მოცულობის მეხსიერება აქვს.
კომპანია AMD–ს წარმოებულ პროცესორებში, ძირითად, ორი კლასი გვხვდება: Sempron-ი, რომლიც Celeron-ის ტიპის პროცესორს უწევს კონკურენციას და Athlon-ი, რომელიც Pentium-ის კონკურენტად გვევლინება.
პროცესორის შეძენისას აუცილებელია ასევე ყურადღება გავამახვილოთ გაგრილების სისტემაზე, რომელიც პროცესორს გადახურებისა და დაწვისგან იცავს. ამ სახის, მცირე, მაგრამ საყურადღებო მოწყობილობის შეძენა, ჩვენი კატალოგის დახმარებით შეგიძლიათ.
