ტექნოლოგიურ სამყაროში გასული ათწლეული მნიშვნელოვანი მოვლენებით იყო სავსე. სმარტფონები ჩვენი ყოველდღიურობის შეუცვლელი ნაწილი გახდა.
ვებ გვერდმა - ndtv.com გამოაქვეყნა სტატისტიკა, თუ რომელ აპლიკაციებს იწერდნენ ყველაზე მეტჯერ წლების განმავლობაში. სიაში Facebook-ი და მის მფლობელობაში მყოფი აპლიკაციები ლიდერობენ. კომპანია Facebook-მა ერთ-ერთი ყველაზე პოპულარული სოციალური ქსელი Instagram - 2012 წელს შეიძინა, ამის შემდეგ კი 2014 წელს გახდა მესენჯერის აპლიკაცია - WhatsApp-ის მფლობელიც.
10. Twitter
მეათე ადგილი სოციალურმა ქსელმა - Twitter-მა დაიკავა, რომელიც 2006 წელს გამოჩნდა და 2019 წლის მონაცემებით ყოველდღიურად 134 მილიონამდე აქტიურ მომხმარებელს ითვლის.
9. Youtube
Google-ის მფლობელობაში მყოფი პლატფორმა Youtube, ათეულის მეცხრე ადგილზეა.
8. UC Browser
სიაში მოხვდა Alibaba Group-ის, ინტერნეტ ბრაუზერიც.
7. TikTok
მეშვიდე ადგილზე, ვიდეო პლატფორმა TikTok გავიდა, რომელიც 2017 წელს გაეშვა.
6. Skype
განსაკუთრებით საინტერესოა, რომ ტოპ აპლიკაციებს შორის Skype-იც მოხვდა.
5. Snapchat
მეხუთე ადგილს 2011 წელს შექმნილი აპლიკაცია Snapchat იკავებს.
4. Instagram
ყველასთვის ცნობილი აპლიკაცია Instagram-ი სიის მეოთხე ადგილზეა.
ბოლო სამ ადგილებს, როგორც მოსალოდნელი იყო :
3. WhatsApp,
2. Facebook Messenger
1. Facebook იკავებენ.